زانیاریێن نیڤ ملیار ئه‌كاونتێن فه‌یسبوكی هاتینه‌ به‌لاڤكرن، یێ ته‌ژی دگه‌ل نه‌بیت؟

ل دویڤ ژێده‌رێن ده‌نگ وباسان زانیاریێن 533ملیون كه‌سان ژ فه‌یسبوكێ هاتینه‌ دزین و ئه‌ڤ زانیاری یه‌ وه‌ك ژمارا موبایلێ و ئیمه‌یل و د سایته‌كێ تایبه‌ت ب هاككه‌ران ڤه‌ هاتیه‌ به‌لاڤ كرن، ئه‌ڤ كه‌سه‌ ژ 106 وه‌لاتانه‌ و 17 ملیون ژوان یێن عیراقێ نه‌.

ل دویف سایتێ بێزنێس ئینسایده‌ر ئه‌و زانیاریێن ب ده‌ست هاككه‌ران كه‌فتین ژمارا موبایلێ، ناڤ، ژ دایك بوون، جهـ و ئیمه‌یلێن هنده‌كا كه‌سان، په‌یڤدارێ كومپانیا فه‌سبوكێ ئه‌ڤ هه‌واله‌ پشتراست كر به‌لێ بو سالا 2019ێ زڤراندن و گوت ئه‌ڤ كێماسی یا د سیسته‌مێ سایتی دا هه‌ر ل سالا 2019ێ ل هه‌یڤا ئاب مه‌ چاره‌سه‌ر كربو.

ئیلون گال د حسابا خۆ ل تویته‌ری هژمارا وان وه‌لاتان و هه‌ر وه‌لاته‌كی چه‌ند كه‌سان زانیاریێن وان هاتینه‌ به‌لاڤ كرن دیار دكه‌ت و ل دویف ئیلون كال تنێ ل عیراقێ 17116398و ئه‌مریكا 32315282 و توركیا 19638821و مسر 44823547 كه‌سان زانیاریێن وان هاتینه‌ به‌لاڤ كرن و لیستا وی 107 وه‌لات د ناڤ دانه‌.

گال د بێژیت هاككه‌ر دێ ڤان زانیاریان بو ئه‌ندازیاریا جڤاكی و خاپاندن و هاككرنا كارپێكه‌ران ب كارئینن.

ژ بو زانین و پشتراست بوون سایته‌ك هاتیه‌ دانان بناڤێ cyber leaks كارپێكه‌ر د شێت ژمارا موبایلا خۆ تێدا ب نڤێسیت دێ دیار بیت ئه‌گه‌ر هژمارا وی دناڤ وان كه‌سان دابیت ئه‌وێن زانیاریێن وان هاتینه‌ دێ ب ره‌نگێ سور دیار بیت و ئه‌گه‌ر د ناڤ دا نه‌بیت دێ ب ره‌نگێ كه‌سك دیار بیت