هاکەرز(Hackers) کينە؟!!

ل دەستپێکا سالێن حەفتێیان دا ل چەرخێ بورى ب کارئینانا کومپیوتەرى بەربەلاڤ بوو دناڤ قەوارێن مازن یێن وەبەرهێنانێ وەکى دامودەزگەهێن زانستى و بانکان و کومپانیێت نەفتێ , و ل وى دەمى پروگرامێت کومپیوتەرى گەلەک دکێم بوون , و ئەگەر ئەڤان دامودەزگەهان ڤیابا کومپیوتەران بکاربینن بو دەستڤەئینانا هندەک ژمێریاریان یان ئامارەکا ب ساناهى رادبون ب ئینانا هندەک پروگرامسازێن شاهرەزا و زیرەک د زمانێت پروگرامسازێدا وەک زمانێ (کوبول- فورتران – بێزک ) داکو کارێن وان ب رێڤەبربانە, و ل وى دەمى پەیڤا (Hackers) بو وان کەسێن پروگرامساز یێن شاهرەزا و زیرەک داتە ب کارئینان کو شاهرەزایەکا بەرفرەه هەبوو دگەل ب کارئینانا کومپیوتەران و زمانێت وێ یێت جیاواز

بەلێ حەتا وى دەمى پەیڤا (Hackers) دهاتە ب کارئینان بو وان پروگرامسازێن خودان رەوشت, بناڤودەنگترین پروگرامساز ل وى دەمى (دینیس ریش) و (کیفن تومسون) کو ئەو رابون ب دانانا بەرێ بنیاتێ سیستەمێ کارپکرنێ (Unix) وحەتا نوکەژى ئەڤ سیستەمە دهێتە ب کارئینان.

ودگەل دەستپێکێن دیاربونا سیستەمێ کارپێکرنێ (Windows) ل وى دەمى حەتا ئەڤروژى یێ دویر نینە ژ دەرزێن پاراستنێ(ثغراة امینیة) و دگەل دەرکەفتنا ئینتەرنێتێ هندەک هاکەران دەستپێکر ب هەلگرتنا وەرچەرخانەکا دى گرتە بەر خو ئەوژى هاکرن(اختراق) و سیخورى ل سەر ئامیرێت کومپیوتەران ,ژ بەر ڤێ چەندێ  بو ئەگەرێ ژ دەستدانا رامانا پەیڤا (Hackers) یا دروست , ونوکە دبێژنە ڤان کەسا دزیکەرێن کومپیوتەران چونکى رادبن ب دزینا پێزانینان.